- الجمعة، ٢٠ مارس ٢٠٢٦
- إتصل بنا
بقلم: الإعلامية ميرفت شوقي صالح
في كل مكان شغل… دايمًا تلاقي النوعية دي:
اللي داخلة الصبح مش عشان تشتغل… لكن عشان تفطر وتجهّز طلبات الضهر وتفكر هتشرب إيه بعد الظهر!
والمصيبة مش هنا بس…
لكن لما تقولها "يلا ننجز شغلنا" تقولك: "أنا تعبانة حاسة بدوخة كده وكده…"
وتتهرّب وتحوّل أي مهمة لحالة مرضية!
والمفاجأة؟
تتمارض… فتُصاب!
تقول إنها تعبانة فيمرضها ربنا بجد
وسبحان من قال للشيء كن… فيكون
لأن الإنسان اللي يتمارض ويكسل ويتجاهل رزقه… كأنّه بيتحدى نعمة السعي!
1. الشغل أمانة مش مكان راحة
كل جنيه بييجي من تعبك لازم يكون وراه ضمير
مش معقول زميلاتك يشيلوا الحمل… وإنتِ تشيلي الكوباية والمعلقة!
2. التمارض عقوبة قبل ما يكون كسل
لما الإنسان يستخف بالتعب ويستخدمه كستار للهروب
ربنا أحيانًا يرد عليه بنفس الادّعاء… ويحوله لحقيقة
فاحذر من لسانك… لأنه ممكن يجيبلك تعب بجد
3. سبحان المالك… لا يُهمل
اللي بياخد حق مش من حقه أو يضيع وقت غيره أو يتهاون في الشغل
ربنا بيرد له الأمر… بطريقة تربيه مش تهينه
عشان يفوق… ويرجع لطريق الصح.
الرسالة:
الشغل مش بس مكان للراتب… ده مكان للأخلاق
ولو تعبتي بجد ربنا يعينك
لكن لو بتهربي بالتمارض… فراجعي نفسك
علشان ما تصحيش يوم وتلاقي الكسل اتحوّل لحقيقة.
وربنا العادل… لا يُغفل ولا يُنسى.
التعليقات الأخيرة