- الخميس، ٢٩ يناير ٢٠٢٦
- إتصل بنا
د. نادر على
في قلب قرية هادئة تُدعى أم خنان التابعة لمركز الحوامدية بمحافظة الجيزة، وُلد حلم كبير في عقل شاب مصري بسيط اسمه محمد جمال. شاب قرر أن لا يكتفي بما هو معتاد، بل أن يُحدث فرقًا حقيقيًا في مستقبل الطاقة في مصر.
محمد، المهندس الطموح، كان دايمًا بيسأل نفسه: “ليه نرمي الحاجات اللي ممكن تكون مصدر طاقة؟”. السؤال البسيط ده كان بداية لفكرة غير عادية… فكرة قلبت المفاهيم.
قدر محمد يخترع جهاز فريد من نوعه بيحوّل مياه الصرف الصحي إلى غاز الهيدروجين، وهو وقود نظيف يُستخدم لتشغيل السيارات بدلًا من البنزين. النتيجة: صفر تلوث، وتكلفة أقل، واعتماد أقل على مصادر الطاقة التقليدية.
الاختراع مش بس إنجاز تقني… لكنه كمان رسالة أمل. رسالة بتقول إن الإبداع مش حكر على الدول الغنية أو المراكز البحثية العملاقة، بل ممكن يطلع من قرية صغيرة على أطراف الجيزة.
محمد جمال صار مثالًا لشباب مصر اللي بيحلم، وبيشتغل علشان يحوّل الحلم لحقيقة. اختراعه مش مجرد جهاز، لكنه خطوة على طريق مستقبل أخضر ونظيف لمصر والعالم.
التعليقات الأخيرة