- الاثنين، ٢٣ مارس ٢٠٢٦
- إتصل بنا
كتبت سماح إبراهيم
المواجهة الحالية بين الهند وباكستان تحوّلت عند بعض المرضى على السوشيال ميديا لحرب نفسية ضد مصر، فقط لأن مصر تمتلك مقاتلات رافال. البعض تجاهل كل أبعاد الأزمة العسكرية والسياسية، وبدأ يردد كلام غير مدروس، ويشوه الحقائق وكأن الهدف هو التشكيك في قدرات الجيش المصري لا أكثر.
الهند اعترفت بسقوط 3 طائرات مقاتلة دون تحديد نوعها، في حين أن باكستان قالت إنها أسقطت 3 رافال، واحدة سوخوي 30، وواحدة ميغ 29. لكن الغريب أن كل من يهاجم مصر تجاهل تماماً إسقاط السوخوي والميغ، وركز فقط على الرافال، لأن هدفهم الحقيقي هو مصر لا غير.
اللي بيحاول يقلل من قيمة طائرات مثل الرافال لمجرد خبر أو إشاعة، ناسي إن كل آلة حربية مهما كانت متطورة، يمكن تدميرها، لأنها في النهاية من صنع البشر. العبرة مش بالسلاح نفسه، العبرة بمن يستخدمه وبالعقل اللي بيخطط ويدير.
وفي وسط الهجوم ده، لازم نفتكر كلام الزعيم جمال عبد الناصر، لما قال إن في دول كانت بتحرضنا على الحرب وبعد كده سابتنا، ودول تانية رفضت تساعد، وكل ده كان بسبب كرههم لمصر وقوتها.
رسالة للمصريين:
ما تنجروش وراء الحملات النفسية، ولا تسمحوا لحد يستخدم مواجهة بين دولتين لتشويه قدراتكم أو جيشكم. الرافال مجرد سلاح، لكن الأهم هو مين اللي ماسك السلاح. ودي مش معركتنا. خلوا وعيكم هو اللي يحكم.
التعليقات الأخيرة