- الخميس، ٢٩ يناير ٢٠٢٦
- إتصل بنا
كتبت سماح إبراهيم
كلنا بنخاف على صحة أولادنا، وفي نفس الوقت بنحب نفرّحهم خصوصًا في المناسبات الجميلة زي شم النسيم. ومن أحلى الحاجات اللي بنعملها في اليوم ده هي تلوين البيض. عشان كده جبتلك طريقة بسيطة وآمنة جدًا باستخدام مكونات طبيعية من البيت.
الخطوات:
1. أول حاجة بتغسلي البيض كويس.
2. بعد كده، بتحطي كمية البيض اللي عايزة تلونيها في حلة فيها ميه.
3. ضيفي المكوّن الطبيعي اللي هيديكي اللون اللي بتحبيه، وسيبيه يغلي مع البيض لحد ما يستوي ويتلوّن.
ألوان طبيعية تقدري تستخدميها:
الكركديه أو البنجر أو قشر البصل: بيدي لون أحمر أو روز جميل، ولو زودتي الكمية بيطلع نبيتي غامق.
الشاي: بيدي لون بني غامق جذاب.
الكركم: بيدي لون أصفر زاهي وجميل جدًا.
مياه سلق ورق السلق (اللي بنستخدمه في القلقاس): بتدي لون أخضر طبيعي.
كل دي ألوان طبيعية وآمنة تقدري تستخدميها بكل ثقة، وهتفرحي أولادك من غير ما تقلقي على صحتهم. استمتعوا بيوم شم النسيم وخلّوه مليان بهجة وألوان!
التعليقات الأخيرة