- الأحد، ٢٢ مارس ٢٠٢٦
- إتصل بنا
إعداد وتقديم//مرفت عبدالقادر احمد
المقادير:
نص كيلو فول مدشوش منقوع 12 ساعة.
بصله صغيرة .
معلقه توم مفروم كبيرة .
حزمة كزبرة صغيرة.
نص حزمة كرات صغيرة .
ملح .
التوابل عند القلى :كزبرة جافة وكمون وسمسم وشطة .
طريقة عمل الطعمية:
اولا: متزوديش البصل يعنى نص كيلو فول عليه بصلة صغيرة مع التوم لان البصل الزيادة بيخليها تشرب زيت.
ثانيا: الخضرا الكتير بتغمقها وبتخليها تشرب زيت مش بنستخدم لا بقدونس ولا شبت .
الطعمية كزبرة خضرا وكرات و مش كتير حزمة كزبرة صغيرة مع نص حزمة كرات صغيرة على نص كيلو فول مدشوش.
ثالثا: عجينة الطعمية وانتى بتطحنيها متحطيش اى توابل نهائى لان التوابل بتغمق العجينة التوابل تحطيها وانتى خلاص هتقلى بتكسرى عليها البيض وتحطى كزبرة جافة وكمون ورشة فلفل اسود عشان البيض وشوية شطه لاكن لو هتجمديها بالتوابل هتغمق منك ومش هيكون لونها أخضر.
رابعا : العجينة عشان تتطلع معاكى هشة
بلاش كربوناتو لما تيجى تقلى خليها بيكنج بودر افضل مع البيض والتوابل وافضلى روبى فيها كويس عشان تديكى نتيجة كويسة وقرص طعمية عالمى.
التعليقات الأخيرة