- الخميس، ٢٦ مارس ٢٠٢٦
- إتصل بنا
كتبت /سماح إبراهيم
المقادير..
٣ كوب دقيق قمح كامل ( دقيق اسمر )
او( ٢ كوب دقيق اسمر + كوب دقيق ابيض )
او (٢ كوب دقيق اسمر + كوب دقيق شوفان )
٢ معلقه كبيره حليب بودر
معلقه كبيره خميره
معلقه صغيره بيكنج بودر
نص معلقه صغيره ملح
معلقه كبيره عسل او دبس تمر
٢ معلقه كبيره زيت زيتون او زبده
معلقه كبيره خل
نص كوب حليب دافئ
ماء دافئ حسب الحاجه
وممكن نعجن كله بالماء فقط
ممكن نضيف نص كوب من الحبوب الكامله المجروشة او الشوفان سواء مع العجينه او على الوش حسب الرغبه
ممكن اضافه بيضه
او ٢ معلقه كبيره زبادى لزياده القيمه الغذائيه
- هنا ممكن نعجن على طول وممكن نستخدم العجينه اليابانيه
- العجينه اليابانيه ٢ معلقه كبيره دقيق + كوب ماء او حليب نخلطهم على البارد ثم نضعهم على نار هاديه مع التقليب حتى يتقل القوام ونتركها تبرد تبقا فاتره
- بندوب الخميره والعسل فى ربع كوب ماء دافى وتترك على جنب
- بنخلط الدقيق والحليب البودر والملح والبيكنج بودر ونقلبها كويس ونضيف عليهم نص كوب الحليب والخل ولو هنضيف البيضه او الزبادى بنضفهم فى المرحله دى ونضع العجينه اليابانيه لو هنستخدمها
- ثم نضع الخميره ونقلب ونبدا نضيف الماء الدافئ وحده وحده مع العجن
- الدقيق الاسمر والشوفان بيحتاج كميه ميه ازيد من الدقيق الابيض ولازم العجينه تكون لينه وبتلزق عشان التوست يكون هش وطرى
- بنعجن العجينه لدقيقتين ثم نضع معلقه زيت ونعجن ل١٠ دقائق
- فى طبق غويط نضع معلقه الزيت التانيه وندهنه بيها ونجمع العجينه كوره وندهنها من الزيت ونغطيها ونسبها تخمر لحد ما يتضاعف حجمها
- بنطلع العجينه وعلى حسب قالب التوست الى هتستخدميه هياخد كميه العجين كلها او نقسمها على اتنين
-على الرخامه بنرش دقيق ونفرد العجينه مستطيل بحيث ان طولها يكون على طول القالب ونلفها رول وندهن القالب بزيت او زبده ونضع العجينه فيه ونغطيها ونتركها حتى يتضاعف حجمها
- بندهنها بمسحه زيت او حليب ونرشها بالشوفان او الحبوب الكامله وتدخل الفرن الساخن على ٢٠٠ وبياخد تقريبا من ٢٥ ل ٣٠ دقيقه او حتى ياخد لون من فوق
التعليقات الأخيرة