- الاثنين، ٢٣ ديسمبر ٢٠٢٤
- إتصل بنا
هيام محمود
قطعي بصلتين كبار تقطيع صغير وطماطمتين وقرنين فلفل وياسلام بقا لو كان فيهم قرن حار وبطاطستين متوسطين متقطعين مكعبات صغيرة و ٤ فصوص ثوم مفرومين
شوحي البصل في شوية زيت لحد مايكون لونه دهبي بعد كدا حطي الثوم وشوحيه مع البصل وحطي الطماطم والفلفل والبطاطس علي البصل وحطي عليهم رشة ملح ورشة فلفل اسود وقلبيهم مع بعض وغطيهم والنار تكون هاديه وسيبهم يدبلو ويستوا
هاتي ٥ بيضات حطي عليه رشة ملح وفلفل اسود وكمون وكسبرة وشطة أو ببريكا وقلبيهم مع بعض حطي عالبيض الخلطة اللي عملناها عالنار بس اهم حاجه تكون بردت متحوطيش الخلطة سخنة عالبيض اقطعي حزمة من الشبت والكسبرة الخضرة تقطيع صغير وحطيهم عالبيض وضيفي عليهم كيس بيكنج بودر وقلبيهم مع بعض في صينية متوسطة ادهينيها شوية زيت وحطي الخليط فيها تكون انتي مشغلة الفرن بس وحطي الصينية عالشبكة اللي في النص والنار عالية اول ما تلاقي العجة نفشت والجوانب احمرت أطفئ الفرن وشغلي الشوايه وشها يحمر من فوق طلعيها وسيبها تبرد شويه وقطعيها زى الكيكة ماشاء الله جميلة وخفيفة وهتحيبها وهتعمليها علطول اعملي معاها رز بشعرية او رز حبة وحابه وسلطة ومخلل أو كليها بالعيش الف عافيه ليكم ياعسلات
???? تابعوني عالصفحة ياحبايبى????
#روعة_الطبخ_مع_أمينة
التعليقات الأخيرة