- الأحد، ١٥ مارس ٢٠٢٦
- إتصل بنا
هيام الجندى ام معيلة من محافظة القاهرة ، سوف يتم تكريمها من مبادرة بداية جديدة للتأهيل النفسى للمطلقة وابنائها ودعم المرأة المعيلة باحتفالية يوم المرأة المعيلة للسنة السادسة فى خلال شهر مارس هيام الجندى تروى لنا قصتها وتقول : انا هيام الجندي عندي ٤٢س معايا بنتين وولد دا غير ولاد اخواتي انا ارمله من من عشر سنين انا اشتغلت ف حاجات كتير وكنت واتبهدلت وماستسلمتش الحمدلله اشتغلت ف المترو. واشتغلت تمريض للحالات المسنه.. وبعد كده فكرت ف موضوع الاكل.. اختي اتطلقت وبقيت انا وهي مع بعض .. وهي ف الاكل ماقولكيش على جمال اكلها والنفس بتاعها كنت انزل اجبلها الحاجه وهي تعملها نغلفها وانا انزل ابيع الوجبه ب٢٥ج و٣٠ ج لغيت ماحصلت الكورونا وقعدنا بس برضو ماستسلمتش واشتغلت ف الكبده وناس كانت بتضايقني ف الشارع كتير اضطريت اسيب بيع الكبدة واشتغلت ابيع ميه معدنيه ف الصيف .. لغاية ماجتلي فكرة الكشرى فى نفس الوقت ناس كانت بتقولي اعملي سندوتشات مع الميه وبيعيهم فكرت قولت منا نفسي حلو ف الكشرى ماجرب كده.. وفعلاً نفذت الفكره ونزلت جبت شنطة الديلفري وعملت الكشرى وعجب الناس جدا كان بيحصلي مضايقات كتيره من الناس ومن زباين بس كالعادة بعافر ولا بحط ف دماغي ومستمرة والحمد لله بقيت ف الاخر يتقالى سيدة الكشرى دى نعمه وفضل من عند ربنا.. انا بتمنى من ربنا يتحقق حلمى انا نفسي ف تريسيكل مقفول احط عليه صورتي واروح بيه في كل مكان وأوسع رزقي لاني عندي مشاكل ف رجلي وضهري وتعبت بسبب المشي الكتير واللف المدة الطويلة وانا عارفه ان ربنا هيجبر بخاطري... انتهت القصة
التعليقات الأخيرة